УТВЕРЖДЕНО
Решение Узденского районного
исполнительного комитета
14.10.2013 №1939
(в редакции решения
Узденского районнного
исполнительного комитета
19.10.2018 №1745
СТАТУТ
ДЗЯРЖАЎНАЙ УСТАНОВЫ АДУКАЦЫІ
«УЗДЗЕНСКІ РАЁННЫ
ЦЭНТР ТВОРЧАСЦІ ДЗЯЦЕЙ І МОЛАДЗІ»
УСТАВ
ГОСУДАРСТВЕННОГО
УЧРЕЖДЕНИЯ ОБРАЗОВАНИЯ
«УЗДЕНСКИЙ РАЙОННЫЙ ЦЕНТР
ТВОРЧЕСТВА ДЕТЕЙ И МОЛОДЁЖИ»
г. Узда, Минская область
2013 г.
І. АГУЛЬНЫЯ ПАЛАЖЭННІ
1.1. Дадзены статут з’яўляецца новай рэдакцыяй статутаў дзяржаўных ўстаноў адукацыі “Уздзенскі раённы цэнтр дзіцячай творчасці” і “Уздзенскі раённы цэнтр дзіцячага турызму і экскурсій”, якія рашэннем Уздзенскага раённага выканаўчага камітэта ад 22 сакавіка 2013 года № 487 рэарганізаваны ў дзяржаўную ўстанову адукацыі “Уздзенскі раённы цэнтр творчасці дзяцей і моладзі” .
Раённы цэнтр творчасці дзяцей і моладзі ажыццяўляе сваю дзейнасць у адпаведнасці з Кодэксам Рэспублікі Беларусь аб адукацыі і Палажэннем аб установе дадатковай адукацыі дзяцей і моладзі, а таксама дадзеным Статутам.
У сваёй дзейнасці цэнтр кіруецца Канстытуцыяй Рэспублікі Беларусь, дэкрэтамі, указамі, распаражэннямі Прэзідэнта Рэспублікі Беларусь, іншымі заканадаўчымі актамі.
1.2. Цэнтр з’яўляецца ўстановай, якая рэалізуе адукацыйную праграму дадатковай адукацыі дзяцей і моладзі, а таксама з’яўляецца метадычным цэнтрам пазашкольнай выхаваўчай работы.
1.3. Цэнтр створаны ў форме ўстановы на аснове дзяржаўнай уласнасці, з’яўляецца некамерцыйнай арганізацыяй, фінансуецца з мясцовага бюджэту.
1.4. Цэнтр з’яўляецца юрыдычнай асобай, мае пячатку з адлюстраваннем дзяржаўнага герба Рэспублікі Беларусь, штамп са сваім найменнем, разліковы рахунак у банках Рэспублікі Беларусь.
1.5. Змяненні і дапаўненні ў Статут цэнтра заносяцца пасля іх зацвярджэння заснавальнікам у парадку, устаноўленым дзеючым заканадаўствам.
1.6. Месца знаходжання цэнтра: 223411, Мінская вобласць, г.Узда, вул.Першамайская, 57-а.
1.7. Поўная назва цэнтра:
На беларускай мове - Дзяржаўная ўстанова адукацыі “Уздзенскі раённы цэнтр творчасці дзяцей і моладзі”;
На рускай мове - Государственное учреждение образованя “Узденский районный центр творчества детей и молодёжи”.
Скарочаная назва цэнтра:
На беларускай мове - Уздзенскі цэнтр творчасці дзяцей і моладзі;
На рускай мове – Узденский центр творчества детей и молодёжи.
1.8. Ліквідацыя або рэарганізацыя цэнтра праводзіцца ў адпаведнасці з актамі заканадаўства Рэспублікі Беларусь.
ІІ. МЭТЫ, ЗАДАЧЫ і НАКІРУНКІ ДЗЕЙНАСЦІ
2.1. Асноўнай мэтай дзейнасці цэнтра з’яўляецца:
-выхаванне праз сістэму дадатковай адукацыі дзяцей і моладзі свабоднай, творчай і актыўнай асобы;
-садзейнічанне развіццю беларускай культуры, адраджэнню і захаванню беларускіх нацыянальных традыцый.
2.2. Асноўнымі задачамі цэнтра з’яўляюцца:
-стварэнне ўмоў для развіцця творчых здольнасцей, інтарэсаў і схільнасцей дзяцей і моладзі;
- забеспячэнне іх рознабаковых індывідуальных запатрабаванняў у дадатковай адукацыі, духоўным і фізічным удасканаленні, прафесійным самавызначэнні, адаптацыі да жыцця ў грамадстве;
-арганізацыя змястоўнага вольнага часу.
2.3. Асноўнымі накірункамі дзейнасці цэнтра з’яўляецца:
-рэалізацыя адукацыйных праграм па развіцці творчых здольнасцей дзяцей і моладзі, зацверджаных у адпаведным парадку;
-аказанне метадычнай дапамогі адукацыйным установам;
-распрацоўка і ўкараненне ў практыку аўтарскіх праграм работы аб’яднанняў па інтарэсах;
- падрыхтоўка метадычных дапаможнікаў, іншай літаратуры ў дапамогу работнікам адукацыйных устаноў;
- садзейнічанне павышэнню прафесійнага ўзроўню выхавальнікаў, педагогаў-арганізатараў, педагогаў устаноў дадатковай адукацыі з улікам новага зместу адукацыі і выхавання, сучасных педагагічных тэхналогій;
- патрыятычнае выхаванне, ахова і прапаганда помнікаў гісторыі, культуры, прыроды роднага краю, работа музеяў (музейных пакояў) у адпаведнасці з Законам Рэспублікі Беларусь “Аб ахове гістарычна-культурнай спадчыны” (Ведамасці Вярхоўнага Савета Рэспублікі Беларусь, 1992 г., № 30, арт.504);
- мастацка-эстэтычнае выхаванне; фарміраванне культуры, свядомасці, духоўнай сталасці дзяцей і моладзі, развіццё іх творчых здольнасцей;
авалодванне каштоўнасцямі нацыянальнай і сусветнай культуры; народнымі рамёствамі, супрацоўніцтва ў гэтых напрамках з органамі культуры і грамадскімі абъяднаннямі;
-экалагічнае выхаванне, фарміраванне экалагічнай культуры дзяцей і моладзі;
-маральна-прававое выхаванне, прафілактыка злачыннасці сярод непаўналетніх, іх сацыяльная рэабілітацыя;
-работа па выхаванню і фарміраванню ў дзяцей і моладзі здаровага ладу жыцця, прафілактыцы шкодных звычак;
-арганізацыя аздараўлення, адпачынку і працы дзяцей, распрацоўка і ўкараненне варыятыўных мадэлей выхаваўчай дзейнасці ў аздараўленчых лагерах, накіраваных на забеспячэнне развіццёвага характару адпачынку і фарміраванне творчай асобы; метадычнае забеспячэнне дзейнасці педагагічных работнікаў у аздараўленчых лагерах;
-супрацоўніцтва з дзіцячымі, юнацкімі і маладзёжнымі грамадскімі аб’яднаннямі і рухамі, іншымі ўстановамі;
-выяўленне і развіццё творчых здольнасцей адораных дзяцей і моладзі; падрыхтоўка і ўкараненне адукацыйных праграм, накіраваных на развіццё творчых здольнасцей адораных дзяцей і моладзі;
-развіццё дзіцяча-юнацкага турызму і экскурсій, краязнаўчай работы.
2.4. Цэнтр ажыццяўляе наступныя віды дзейнасці ў адпаведнасці з Дэкрэтам Прэзідэнта Рэспублікі Беларусь ад 14.07.2003 г. № 14:
-турыстычная дзейнасць;
2.5. Асобнымі відамі дзейнасці, пералік якіх вызначаецца Заканадаўствам, цэнтр можа займацца на аснове спецыяльнага дазволу (ліцэнзіі).
ІІІ. АРГАНІЗАЦЫЯ АДУКАЦЫЙНАГА ПРАЦЭСУ
3.1. Адукацыйны працэс пры рэалізацыі адукацыйнай праграмы дадатковай адукацыі дзяцей і моладзі ажыццяўляцца як у цэнтры, так і на ўсіх узроўнях асноўнай адукацыі (дашкольнай, агульнай базавай, агульнай сярэдняй, прафесійна-тэхнічнай).
З асобамі, якія маюць асаблівасці ў псіхафізічным развіцці, цэнтрам дзіцячай творчасці арганізуюцца індывідуальныя заняткі па месцы жыхарства.
3.2. Цэнтр з’яўляецца састаўной часткай нацыянальнай сістэмы адукацыі будучы шырока даступнай, комплекснай установай, якая дае дзецям, моладзі аднолькавыя магчымасці ў рэалізацыі дадатковых патрэбнасцей у галіне адукацыі і інтэлектуальнай дзейнасці, на падставе аб’яднання інтарэсаў грамадства і асобы.
3.3. Пры ўмове максімальнага выкарыстання сваіх памяшканняў для заняткаў гурткоў цэнтр можа адкрываць свае гурткі ў памяшканнях школ, санаторнай школе-інтэрнаце, дашкольных установах, па месцы жыхарства.
3.4. Цэнтр ва ўстаноўленым заканадаўствам Рэспублікі Беларусь парадку адказвае за:
-невыкананне функцый, вызначаных яе статутам;
-адпаведнасць формаў, метадаў і сродкаў арганізацыі навучальнага выхаваўчага працэсу, ўзросту, інтарэсаў і патрабаванняў дзяцей;
-жыццё і здароўе дзяцей і моладзі, работнікаў установы дадатковай адукацыі дзяцей і моладзі ў перыяд арганізацыі адукацыйнага працэсу;
-парушэнне правоў і свабоды выхаванцаў і супрацоўнікаў;
-за якасць адукацыі, якую дае навучэнцам.
3.5. У цэнтры не дапускаецца стварэнне і дзейнасць палітычных партый, іншых грамадскіх аб’яднанняў, якія маюць палітычныя мэты, а таксама стварэнне і ананімная або іншая дзейнасць рэлігійных арганізацый, якая супярэчыць заканадаўству.
3.6. Справаздача цэнтра вядзецца на беларускай і рускай мовах.
3.7. Цэнтр аказвае дапамогу педагагічным работнікам іншых устаноў адукацыі (школам, дзіцячым садам) у рэалізацыі адукацыйных праграм, арганізацыі вольнага часу і пазаўрочнай дзейнасці, а таксама дзіцячым і маладзёжным грамадскім аб’яднанням, арганізацыям.
3.8. Цэнтр самастойна распрацоўвае планы сваёй дзейнасці з улікам запытаў дзяцей і моладзі, патрэбнасцей сям’і, устаноў адукацыі, маладзёжных і дзіцячых грамадскіх аб’яднанняў і арганізацый, асаблівасцей сацыяльна-эканамічнага развіцця раёна і нацыянальна-культурных традыцый.
3.9. Асноўнай формай арганізацыі адукацыйнага працэсу пры рэалізацыі адукацыйнай праграмы дадатковай адукацыі дзяцей і моладзі зяўляюцца заняткі ў аб’яднаннях па інтарэсах.
3.10. Аб’яднанні па інтарэсах ствараюцца ў адпаведнасці з інтарэсамі дзяцей і моладзі, пажаданнямі бацькоў, з улікам мясцовых умоў і магчымасцей цэнтра.
3.11. Змест дзейнасці аб’яднання па інтарэсах вызначаецца яго кіраўніком з улікам адукацыйных праграм.
3.12. Заняткі ў аб’яднаннях па інтарэсах вядуцца па адукацыйных праграмах, распрацаваных Міністэрствам адукацыі Рэспублікі Беларусь, па аўтарскіх праграмах, а таксама па праграме, складзенай педагогам дадатковай адукацыі, якая адабраецца педагагічным саветам цэнтра і зацвярджаецца ва ўстаноўленым парадку упраўленнем па адукацыі, спорце і турызме Уздзенскага раённага выканаўчага камітэта.
3.13. Аб’яднанні па інтарэсах у залежнасці ад патрабаванняў адукацыйных праграм арганізоўваюцца як на ўвесь навучальны год, так і на больш кароткія тэрміны.
3.14. Кожны навучэнец мае права на свабоду выбару аб’яднання па інтарэсах і іх колькасці. Навучанне дзяцей у аб’яднаннях па інтарэсах бясплатнае.
У склад аб’яднання па інтарэсах, якое займаецца па праграме аднаго года навучання, павінна ўваходзіць 12-15 чалавек, а двух і больш гадоў не менш 8-10 чалавек.
У складзе аб’яднання па інтарэсах, якое ствараецца на базе спецыяльнага класа пры цэнтры карэкцыйна-развіваючага навучання і рэабілітацыі, для дзяцей з асаблівасцямі псіхафізічнага развіцця павінна ўваходзіць не менш 5 чалавек.
3.15.Прыём асобы для атрымання дадатковай адукацыі дзяцей і моладзі ажыццяўляецца на аснове яго заявы і прадстаўленні ім пасведчання аб нараджэнні. Ад імя непаўалетніх заява можа быць пададзена яго законным прадстаўніком.
3.16. З дазволу кіраўніцтва цэнтра на занятках аб’яднання могуць прысутнічаюць бацькі сумесна з навучэнцамі пры ўмове забеспячэння якасці адукацыйнага працэсу.
3.17. Пры прыёме ў спартыўныя, тэхнічныя і харэаграфічныя аб’яднанні па інтарэсах неабходна медыцынскае заключэнне аб стане здароўя навучэнца.
3.18. Для дзяцей дашкольнага ўзросту заняткі ў аб’яднаннях праводзяцца на працягу 35 хвілін, не больш як 2 вучэбных гадзін у тыдзень. Для дзяцей малодшага ўзросту (6-10) гадоў – у межах 4 вучэбных гадзін у тыдзень, сярэдняга школьнага ўзросту (11-13) гадоў -6 вучэбных гадзін у тыдзень, старэйшага ўзросту-10-12 вучэбных гадзін у тыдзень.
На індывідуальныя заняткі з дзецьмі-інвалідамі па месцы жыхарства адводзіцца 3 гадзіны ў тыдзень на кожнага навучэнца, заняткі праводзяцца на працягу 35 хвілін.
3.19. Заняткі праводзяцца як з усім складам аб’яднання адначасова, так і па групах.
3.20. Расклад заняткаў на тыдзень складаецца з улікам рацыянальнага размеркавання вольнага часу і занятасці навучэнцаў ва ўстановах адукацыі, узроставых магчымасцей і санітарна-гігіенічных нормаў.
3.21. Пры правядзенні заняткаў працягласцю больш за адну вучэбную гадзіну ў дзень і ў залежнасці ад іх характару, як правіла, праз кожныя 45 хвілін заняткаў арганізоўваюцца перапынкі для адпачынку.
3.22. Арганізацыя работы павінна адпавядаць правілам тэхнікі бяспекі і вытворчай санітарыі.
3.23. Цэнтр арганізуе і праводзіць з улікам узроставых асаблівасцей дзяцей і падлеткаў розныя гарадскія, раённыя мерапрыемствы, конкурсы, злёты, выстаўкі і канферэнцыі, паходы і экскурсіі, профільныя аздараўленчыя лагеры.
3.24. Цэнтр ў арганізацыі адукацыйнага працэсу ўзаемадзейнічае са школамі і дзіцячымі садамі, сельска-гаспадарчым ліцэем, установамі аховы здароўя, культуры і спорту, сродкамі масавай інфармацыі, прадпрыемствамі і іншымі арганізацыямі.
3.25. Цэнтр арганізуе метадычныя аб’яднанні педагогаў-арганізатараў, педагогаў дадатковай адукацыі, прымае ўдзел у падрыхтоўцы і правядзенні канферэнцый, нарад па пытаннях выхаваўчай работы.
3.26. У мэтах прыцягнення дзяцей і моладзі да арганізацыі і правядзення разнастайных масавых мерапрыемстваў у цэнтры могуць стварацца органы самакіравання аб’яднанняў па інтарэсах (саветы аб’яднання, клуба).
3.27. Цэнтр вывучае вопыт работы і садзейнічае яго ўкараненню ў практыку, распрацоўвае на падставе перадавога вопыту метадычныя рэкамендацыі для педагагічных работнікаў устаноў адукацыі.
І V. УДЗЕЛЬНІКІ АДУКАЦЫЙНАГА ПРАЦЭСУ
4.1.Удзельнікамі адукацыйнага працэсу ў цэнтры з'яўляюцца навучэнцы, бацькі (асобы, якія іх замяняюць) і педагагічныя работнікі.
4.2.Да педагагічнай дзейнасці ў цэнтры дапускаюцца асобы, якія адпавядаюць патрабаванням кваліфікацыйных характарыстык.
4.3.Адносіны паміж наймальнікам і работнікамі цэнтра рэгулююцца працоўнымі кантрактамі ў адпаведнасці з працоўным заканадаўствам Рэспублікі Беларусь
4.4.Педагагічныя работнікі цэнтра маюць права на ўдзел у кіраванні ўстановай дадатковай адукацыі дзяцей і моладзі, свабоду выбару і
выкарыстання методык выхавання і навучання , навучальна-выхавўчых праграм, іншых матэрыялаў, методык ацэнкі ведаў, уменняў навучэнцаў.
4.5.Навучэнцы цэнтра маюць права :
- уносіць прапановы па ўдасканаленні работы ўстановы;
- аб'яднання па інтарэсах;
- выбіраць і быць выбранымі ў органы самакіравання;
- удзельнічаць у аглядах, спаборніцтвах, конкурсах, турыстычных злётах і экскурсіях, выставах творчых работ;
- на дапамогу педработнікаў у авалодванні ведамі, навыкамі і ўменнямі.
4.6.Навучэнцы абавязаны:
- рэгулярна наведваць заняткі аб’яднання па інтарэсах;
- удзельнічаць у грамадска - карыснай дзейнасці і праяўляць ініцыятыву ў рабоце;
- умацоўваць дружбу і ўзаемадапамогу ў калектыве;
- падтрымліваць традыцыі цэнтра;
- авалодваць разнастайнымі ведамі і ўменнямі;
- выконваць правілы ўнутранага распарадку і тэхнікі бяспекі;
- падтрымліваць дысцыпліну і парадак;
- беражліва адносіцца да маёмасці, інструменту і абсталявання цэнтра.
4.7. Педагагічныя работнікі абавязаны:
-якасна праводзіць работу па выхаванню і развіццю асобы дзіцяці і асабістую адказнасць за ахову жыцця і ўмацаванне здароўя дзяцей;
-выбіраць прагрэсіўныя методыкі і формы арганізацыі адукацыйнага працэсу;
-выконваць загады і ўказанні дырэктара цэнтра, рашэнні, прынятыя педагагічным саветам;
-ажыццяўляць адукацыйны працэс на аснове індывідуальных праграм развіцця дзіцяці;
-мець поўную педагагічную нагрузку;
-на павышэнне кваліфікацыі і перападрыхтоўку згодна з заканадаўствам.
4.8. Законныя прадстаўнікі дзяцей, якія займаюцца ў цэнтры, маюць права: быць членамі органаў самакіравання цэнтра, уносіць прапановы па ўдасканаленні яго работы, нясуць адказнасць за выхаванне дзяцей у адпаведнасці з заканадаўствам Рэспублікі Беларусь.
- V. КІРАВАННЕ ЦЭНТРАМ ТВОРЧАСЦІ ДЗЯЦЕЙ І МОЛАДЗІ
5.1.Кіраванне цэнтрам ажыццяўляецца ў адпаведнасці з заканадаўствам Рэспублікі Беларусь, Статутам цэнтра, на аснове цеснага ўзаемадзеяння педагагічных работнікаў, вучняў, бацькоў і грамадскасці.
5.2.Органам самакіравання цэнтра з’яўляецца Савет, які:
- зацвярджае асноўныя напрамкі развіцця ўстановы, удасканалення, павышэння якасці і эфектыўнасці яе дзейнасці;
- устанаўлівае профілі аб’яднанняў па інтарэсах, зыходзячы з кадравых і матэрыяльных магчымасцей цэнтра, інтарэсаў і схільнасцей, заяў навучэнцаў і іх бацькоў;
- вызначае формы ўзаемадзеяння з арганізацыямі і грамадскімі аб’яднаннямі з мэтай стварэння неабходных умоў для рознабаковага развіцця і творчай дзейнасці педагагічных работнікаў;
- у адпаведнасці з заканадаўствам Рэспублікі Беларусь прымае неабходныя меры па абароне педагагічных работнікаў ад неабгрунтаванага ўмяшання ў іх прафесіянальную і службовую дзейнасць, абмежавання іх самастойнасці, звяртаецца з гэтымі пытаннямі ў адпаведныя дзяржаўныя органы;
- сумесна з адміністрацыяй цэнтра распараджаецца сродкамі, атрыманымі ад пазабюджэтнай дзейнасці.
5.3.Савет збіраецца па меры неабходнасці і працуе ў цесным кантакце з кіраўніком цэнтра. Рашэнні своечасова даводзяцца да ведама работнікаў цэнтра, бацькоў, а ў неабходных выпадках – і да грамадскасці.
5.4.Непасрэднае кіраўніцтва адукацыйным працэсам і бягучай дзейнасцю цэнтра ажыццяўляе дырэктар. Дырэктар забяспечвае выкананне заканадаўства Рэспублікі Беларусь.
5.5. Дырэктар:
- плануе, арганізуе і кантралюе адукацыйны працэс, адказвае за якасць і эфектыўнасць работы цэнтра;
- ажыццяўляе падбор і расстаноўку кадраў, размяркоўвае службовыя абавязкі работнікаў і забяспечвае павышэнне іх кваліфікацыі;
- забяспечвае рацыянальнае выкарыстанне маёмасці, у тым ліку фінансавых сродкаў, распараджаецца маёмасцю ў парадку , які ўстаноўлены заканадаўствам Рэспублікі Беларусь;
- забяспечвае улік і захаванне вучэбна-матэрыяльный базы;
- нясе адказнасць за выкарыстанне памяшканняў цэнтра;
- нясе адказнасць за якасць і эфектыўнасць адукацыйнага працэсу, умовы працы работнікаў, ахову праў, жыцця і здароўя дзяцей, прадстаўляе без даверанасці інтарэсы цэнтра ў дзяржаўных органах і арганізацыях, у судзе.
5.6. Службовыя абавязкі дырэктара цэнтра зацвярджае упраўленне па адукацыі, спорце і турызме Уздзенскага рённага выканаўчага камітэта.
5.7. Задачамі педагагічнага савета з'яўляюцца :
- актывізацыя намаганняў педагагічных работнікаў на павышэнне ўзроўню адукацыйнага працэсу;
- задавальненне нацыянальна-культурных запытаў навучэнцаў і развіццё іх здольнасцей і інтарэсаў;
- павышэнне кваліфікацыі педагагічных работнікаў і развіццё іх творчых ініцыятыў;
- укараненне ў практыку дасягненняў педагагічнай навукі і перадавога педагагічнага вопыту.
5.8. У адпаведнасці з ускладзенымі на яго задачамі педагагічны савет вырашае наступныя пытанні :
- разглядае план работы цэнтра;
- вызначае па ўзгадненню з упраўленнем па адукацыі, спорце ітурызме Узденскага раённага выканаўчага камітэта працягласць навучальнага тыдня з ўлікам кірункаў дзейнасці цэнтра, ўмоў працы, санітарна-гігіенічных правілаў і нормаў.
На пасяджэннях нарад пры дырэктары заслухоўваюцца пытанні арганізацыі і якасці адукацыйнага працэсу, стану работы аб’яднанняў
па інтарэсах, інфармацыі, справаздачы дырэктара , педагагічных работнікаў цэнтра, паведамленні праваахоўных і іншых дзяржаўных органаў.
5.9.Пасяджэнні педагагічнага савета праводзяцца па меры неабходнасці, але не радзей як 3-4 разы ў навучальны год.
5.10. У цэнтры можа стварацца папячыцельскі Савет з ліку бацькоў (асоб, якія іх замяняюць), адміністрацыі і педагогаў дадатковай адукацыі. Сумесна з адміністрацыяй цэнтра папячыцельскі Савет распараджаецца сродкамі, атрыманымі ад пазабюджэтнай дзейнасці.
5.11.Цэнтр абавязаны выконваць нормы і патрабаванні, якія прад'яўляюцца да парадку работы з дакументамі, іх апрацоўкі і захавання.
5.12.У цэнтры вядзецца наступная дакументацыя:
- кніга ўліку асабовага складу педагагічных работнікаў;
- кніга загадаў;
- кнігі пратаколаў пасяджэння нарад пры дырэктары;
- план работы на год, зацверджаны упраўленнем па адукацыі, спорце і турызме Узденскага раённага выканаўчага камітэта;
- каляндарны план работы, зацверджаны дырэктарам;
- расклад заняткаў аб’яднанняў;
- кніга ўліку наведаных адміністрацыяй заняткаў аб’яднанняў;
- кніга заўваг і прапаноў інспектуючых асоб.
Справаздача ажыццяўляецца ў адпаведнасці з заканадаўствам Рэспублікі Беларусь.
5.13.Службовыя інструкцыі работнікаў цэнтра распрацоўваюцца адміністрацыяй цэнтра і ўзгадняюцца з прафкамам.
VІ. МАЁМАСЦЬ І ФІНАНСАВА-ГАСПАДАРЧАЯ ДЗЕЙНАСЦЬ
6.1. Маёмасць складае інвентар, абсталяванне і іншая маёмасць, неабходныя для ажыццяўлення яе дзейнасці.
6.2. Маёмасць фарміруецца за кошт:
- сродкаў рэспубліканскага або мясцовага бюджэтаў;
- дабрачынных узносаў, ахвяраванняў арганізацый і фізічных асоб;
- сродкаў, атрыманых ад аказання дадатковых платных адукацыйных паслуг;
- сродкаў, атрыманых ад аказання турыстычна-экскурсійных паслуг;
- іншых крыніц, што не забаронены заканадаўствам Рэспублікі Беларусь.
6.3. Работнікі цэнтра абавязаны беражліва адносіцца да маёмасці, ажыццяўляць правільную эксплуатацыю будынка, абсталявання, прытрымлівацца строгай эканоміі ў расходванні матэрыялу і фінансавых сродкаў.
6.4. Аплата працы работнікаў ажыццяўляецца ў адпаведнасці з заканадаўствам Рэспублікі Беларусь.
6.5. Кантроль за адукацыйнай, фінансавай і іншай дзейнасцю цэнтра ажыццяўляецца адпаведным дзяржаўным органам кіравання адукацыяй.
6.6. Пісьмовая справаздача вышэйшым органам прадстаўляецца цэнтрам ва ўстаноўленыя ў адпаведнасці з патрабаваннямі органаў дзяржаўнай статыстыкі Рэспублікі Беларусь
6.7. Штатны расклад цэнтра зацвярджаецца дырэктарам па ўзгадненню з упраўленнем па адукацыі, спорце і турызме Уздзенскага раённага выканаўчага камітэта згодна з тыпавым штатным нарматывам, зацверджаных Міністэрствам адукацыі Рэспублікі Беларусь, у межах сродкаў, выдзеленых на аплату працы.
УІІ. МІЖНАРОДНЫЯ СУВЯЗІ
7.1. Цэнтр мае права ажыццяўляць міжнароднае супрацоўніцтва ў сферы адукацыі ў парадку, устаноўленым заканадаўствам Рэспублікі Беларусь.